OV idr Skihüttä  |  26.-27.06.2010
Dr erschti Alass im neue (Gugge-)Jahr hemmer bi beschtem Wätter döffe gniesse. Nur en grossflächigi nassi Abchüelig idr Nöchi hätt no gfählt. Wie all Jahr sind zur Underhaltig es paar Spieli duregfüehrt worde, zudem heds en Tagesufgab gäh (Let's start a Band). Passend zum Summer-Wätter hemmer de idr Grossteiler Skihütte es feins Grillade- und Salat-Buffet ufgstellt. Am Abig heds no paar Administrativi Sache z'erledige gäh wie z.B. s'neue Gwändli abstimme etc.

GUGGE-GRÜMPI BUOCHS  |  02.06.2010
Und wieder einisch hed sich en Delegation Schüttler mit Hälferinne as Grümpelturnier z'Buochs gwagt und isch nu rächt erfolgriich gsi. Leider hets nur füre 4. Platz glänged, da hends nach emene Unentschiede gäg d'Fanzä im Penaltyschiesse knapp verlorä. Aber defür simmer die einzigä Teilnähmer gsi wo nu vrchleidet gsi sind (sackstarch hä!), die andere mit ihrer "FC-Verchleidig" (wie langweilig) hend das wie üblich viel z'ärnscht gnu... Viele Dank nu üsne externä Hälferinne (weiss üchi Näme leider grad nid), hend uf all Fäll nu öpis z'guet bi üs :)

WINTERSPIELFEST BIDMI-HASLIBERG  |  07.03.2010
Zum oi üsä Nach-Fasnachtsuiftritt chli amene bsundrigä Ort z'verastalte hed isä Programm-Chef üs ufe Hasliberg (ämu bis zur Mittelstation) uifä gschleppt. Det isch äs Winterspielfäscht verastaltet wordä mit Muisig (miär + Gibelguuger), Büchsä schiesse, Kinderschminkä etc. Äs hed zwar zwüschedurä sehr chalt megä windä, bis mä sogar ab de Tisch und Bänk troled isch, trotzdem simmer blibä und hend sogar nu chli Publikum megä aalockä und underhaltä.