Dossäbängäler & Fasnachtsgottesdienst

Das Weekend simmer grad a zwei Heimspiel verträtä. Dr Samschtig started midem Dossäbängälerball z'Kägiswil, wo mier als 3. am Monsterkonzärt ab 18:00 Uhr spiele wärdid. Denn startid mier am 21:05 Uhr im Kampfring vom Guggebattle gägä d'Hummelzunft vo Arth. Chemid iis doch tatchräftig cho understützä 😁🎉

Und am Sunntig wärdid mier am alljährliche Fasnachts-Gottesdienst idr Chilä Rudenz z'Giswil wieder es Ständli bringä. Abem 09:30 Uhr started dr Wortgottesdienst mit Kommunionfiir wo mier musikalisch defid begleite. Aaschliessend wärdid mier verusse zum heisse Punsch vom FaKoGi de nu einisch äs paar Stuck zum Beschtä gäh. Chemid doch all verbii wo Ziit und Luscht hend, s'Wätter hed ja wunderprächtig aagseit.